MANILA, Philippines - Isinugod sa ospital ang 7 katao matapos na masuÂgatan nang salpukin ng isang 14-wheeler truck ang isang nakahintong pampasaherong jeep kahapon sa Quezon AÂvenue, Quezon City.
Batay sa ulat, dakong ala-1:30 ng hapon nang salpukin ang jeep (PWN-773) ng truck sa kahabaan ng Quezon AÂvenue, malapit sa Delta.
Sa salaysay ng driver ng jeep na William Aurelio, kahihinto lamang umano niya sa lugar para magbaba ng pasahero nang tumbukin ang tagilirang bahagi ng kanyang jeepney ng truck na minamaneho ni Domingo Muhi.
Sa lakas ng pagkasalpok ay umikot ang jeep bago sumampa sa center island na naging dahilan para masuÂgatan ang limang pasahero at mga driver ng jeep at truck.