MANILA, Philippines - Dinukot ng hindi pa kilalang mga kalalakihan ang apat katao kabilang ang dalawang batang magpinsan na anak ng mga negosyante matapos harangin ang kanilang sinasakyan kahapon sa Jolo, Sulu.
Ang mga binihag na biktima ay kinilaÂlang sina Mohammad Zaher, 10-anyos; Princess Raiza Karanain, 8-anyos; yaya na si Almalyn Abuhail, 18 at driver na si Saddam Amlih; pawang residente ng Brgy. Alat, Jolo ng lalawigan.
Sa ulat ni Captain Ryan Lacuesta, Civil Military Operations Officer ng 2nd Marine Brigade, dakong alas-7:00 ng umaga ay lulan ang mga biktima ng sasakyan para ihatid ang dalawang bata.
Pagsapit sa bisinidad ng Scott Road sa kapitolyo ay hinarang ng limang armadong kalaÂlakihan ang sasakyan ng mga biktima at tutukan ng baril at isinakay sa isang Tamaraw jeep.
Namataan ang mga biktima sa direksyon ng Brgy. Anuling, Patikul ng lalawigan na kilalang balwarte ng mga bandidong Abu Sayyaf.
Naglunsad ng search and rescue operations ang tropa ng Philippine Marines upang ligtas na mabawi ang mga bihag.