MANILA, Philippines - Hindi na nagawang maipagdiwang ng isang 20-anyos na binata ang Valentine’s Day matapos na siya ay barilin ng dalawang beses sa ulo ng isang lalaki na nobyo ng kanyang nililigawan kahapon sa Caloocan City.
Ang biktima na idiÂneklarang dead-on-arrival sa Jose Rodriguez Hospital dahil sa dalawang tama ng bala sa ulo ay kinilalang si Kevin de Tatad, residente ng Phase 7-C, Bagong Silang ng lungsod.
Ang suspek na tumakas ay kinilala sa paÂngalang Mansawe Imam.
Sa imbestigasyon ng pulisya, dakong alas-6:50 ng umaga ay nakatayo ang biktima malapit sa gate ng Victoria Wave Special Economic Zone, Malaria Road, Tala ng naturang lungsod nang lapitan siya ng suspek at walang sabi-sabing binaril ng dalawang beses sa ulo.
Nang bumagsak ang biktima ay sumakay ang suspek sa naghihintay na tricycle.
Malaki ang hinala ng pulisya na matinÂding seÂlos ang motibo ng pagpatay ng suspek sa biktima matapos na mabalitaan nito na masugid itong nanliligaw sa kanyang nobya na si Michelle Ignas.
Idinagdag pa ng pulisya na love triangle ang motibo ng kaso dahil kahit na alam ng biktima na taken na si Michelle ay patuloy pa rin ang panliligaw nito na posibleng ikinagalit ng suspek kaya plinano ang pagpatay.
Inilarawan naman ni Michelle ang itsura ng nobyo na tumugma sa deskripsiyon ng saksing guwardiya.