MANILA, Philippines - Pinagtataga at pinagÂsasaksak ng isang 32-anyos na anak ang kanyang ama, ina at kapatid matapos na mabitin ito sa alak kamakalawa ng gabi sa Navotas City.
Namatay habang ginagamot sa Tondo Medical Center ang ama na si Valentino Minerales Sr., 62; habang nasugatan ang ina na si Pilar, 57 at anak na si Valentino Minerales Jr., 27, pawang mga taga -Bariles St., Barangay North Bay Boulevard South ng naturang lungsod dahil sa mga tinamong taga at saksak sa iba’t ibang bahagi ng katawan.
Ang suspek na tumakas ay kinilalang si Resty
Minerales, 32, residente ng nasabing lugar.
Batay sa ulat, alas-10:30 ng gabi sa loob ng bahay ng pamilya Minerales ay lasing na umuwi ang suspek para kumain ng hapunan.
Pagkatapos na kumain ay muli itong lalabas ng bahay para muling makipag-inuman na pinigilan naman ng kanyang nanay.
Nagalit ang suspek sa ina kaya’y nagkaroon ng sila ng pagtatalo hanggang sa kumuha ng patalim at itak ang suspek sabay saksak sa nanay.
Humingi ng tulong sa asawa at isa pang anak si Pilar at nang saklolohan ay ang tatay at kapatid naman ang pinagsasaksak at pinagtataga bago tuluÂyang tumakas.