MANILA, Philippines - Malapit na umanong madakip ng pulisya ng panguÂnahing suspek sa pamamaril sa Ninoy Aquino International Airport (NAIA) Terminal 3 na ikinamatay ni Labangan, Zamboanga del Sur Mayor Ocol Talumpa at tatlong iba pa noong Disyembre 20.
Sinabi ni Task Force Talumpa head Senior SuperinÂtendent Billy Beltran, natunton na nila kung saang probinsya sa Mindanao nagtatago ang itinuturong suspek na si Marux Amblong, ang nakitang gunman sa krimen.
Hindi na idinetalye pa ni Beltran ang eksaktong lokasyon ng suspek ngunit tiniyak na tuluy-tuloy ang kanilang operasyon sa pagkalap ng impormasyon.
Si Amblong at dalawang iba pa ay kinasuhan ng multiple murder at multiple frustrated murder higit isang linggo matapos ang pamamaril.
Bagamat dating tauhan at malapit kay dating Labangan Mayor Wilson “Kity†Nandang, naghahanap pa ang pulisya ng matibay na ebidensyang mag-uugnay sa dating alkalde bilang utak sa pagpatay kay Talumpa.