MANILA, Philippines - Kapag nagkataon ay mauunahan pa ng bumibisitang Myanmar President U Thein Sein si Pangulong Benigno Aquino III sa BantaÂyan Island sa Northern Cebu na biktima rin ng bagyong Yolanda.
Nasa bansa si President Thein Sein para sa kanyang 3-araw na state visit kung saan ay nag-courtesy call ito kahapon kay Pangulong Aquino sa Malacañang na hinandugan ng state luncheon sa Palasyo ang bumibisitang lider.
Sinaksihan din ng 2 lider ang mga nilagdaang kasunduan ng 2 bansa sa larangan ng agrikultura, edukasyon, turismo, trade and commerce.
Nakatakdang dalawin ni Myanmar President Thein Sein ang mga biktima ng bagyong Yolanda sa Bantayan Island, Cebu ngayon bago ito umuwi patungong Myanmar mamayang hapon sakay ng isang special flight mula sa Mactan International Airport sa Cebu.