MANILA, Philippines - Utas ang dalawang holdaper nang sila ay makipag barilan sa mga pulis matapos nilang holdaÂpin ang isang pampasaherong jeep sa Quezon City, kamakalawa ng gabi.
Ayon kay PO2 Hermogenes Capili, may hawak ng kaso, patuloy na inaalam ang pagkakaÂkilanlan sa mga napaslang na suspek habang ang isa pa nilang kasama ay nakatakas.
Nabatid na ang insidente ay naganap dakong alas-10:45 ng gabi sa kahabaan ng Quezon Avenue, Quezon City.
Ang tatlong suspek ay sumakay sa isang pamÂpasaherong jeep na may plakang TXE-724 na minamaneho ng isang Bobby Caseres, 29 anyos sa may Welcome Rotonda.
Habang binabagtas ng jeep ang kahabaan ng Quezon Avenue malapit sa D. Tuazon ay nagdeklara ng holdap ang tatlo at kinuha ang gamit ng mga pasahero.
Nang bumaba ng jeep ay namataan naman ng mga nagpapatrolyang puÂlis sa Galas Station kaya hinabol ang mga suspek.
Sa halip na sumuko ay nakipagbarilan sa mga awtoridad at nagkaroon ng running gun battle hanggang sa makorner ang dalawa.
Pilit na pinasusuko ng mga awtoridad ang daÂÂlawa pero sadyang pasaway at palaban na nagresulta ng kanilang kamatayan.
Nabawi mula sa naÂpaslang na mga suspek ang gamit ng mga pasahero ng jeep tulad ng bag, wallet at cell phone at tatlong kalibre 38 revolver na sinasabing ginamit sa pakikipagbarilan sa mga pulis.