Shell nag-rolbak
MANILA, Philippines - Nagpatupad ng rolbak sa presyo ng kanilang produktong petroyo ang Pilipinas Shell.
Sa anunsyo ni Bobby Kanapi, tagapagsalita ng Shell, epektibo ang rolbak dakong alas-12:01 ng madaling araw ng Linggo.
Sinabi ni Kanapi, bumaba ang presyo ng inaangkat nilang langis sa internasyunal na merkado kaya sila magpapatupad ng rolbak.
Nabatid na nasa P.40 sentimos kada litro sa premium at unleaded gasoline ang matatapyas, P.45 sentimos kada litro sa kerosene at P.50 sentimos kada litro sa diesel.
Sa Cebu at Bohol na nasa “state of calamity†dahil sa tumamang lindol, nasa P.10 sentimos kada litro ang tatapyasin nila kada litro sa kerosene, P.20 sentimos kada litro sa premium at unleaded gasoline at P.50 sentimos kada litro sa diesel.
Ang mas mababang rolbak umano ay dahil sa hindi nakasama ang dalawang lalawigan sa ginawa nilang dagdag-presyo noong nakaraang Martes sa gasolina at kerosene.
Wala pa namang anunsyo ang ibang kumpanya ng langis ngunit inaasahang susunod rin ang mga ito sa galaw ng Shell upang makasunod sa kumpetisyon.
- Latest
