MANILA, Philippines - Inamin kahapon ng naarestong suspek sa pagpatay sa isang UV Express driver na siya ay biktima ng pambu-bully at tinawag na bakla kaya nagawa ang krimen na naganap noong Huwebes ng umaga sa Intramuros, Maynila.
“Napikon lang po ako sa kanya kasi palagi akong tinatawag na bakla, palagi pa nila akong pinagtatawanan ‘pag andun ako sa may terminal nila,†depensa ni alyas “Buknoy†na kinilalang si Marlon Ignacio Jr., residente ng no. Cabildo St., Intramuros, Maynila na suspek sa pananaksak sa biktimang si Noly Dimaculangan, 42, UV Express driver at residente ng #37 Yakal St., Corner Narra Lane Subdivision, Sucat, Parañaque City.
Nadakip si ‘Buknoy’ ng mga tauhan ng Manila Police District Homicide Section sa bahay ng kanyang kapatid sa Tanza, Cavite.
Sa ulat ni SPO2 Jonathan Bautista, nagawang saksakin sa lalamunan at leeg ng suspek ang biktimang si Dimaculangan dakong alas-6:35 ng umaga noong Oktubre 24, sa terminal ng UV Express sa Anda Circle, Intramuros ay dahil sa pambu-bully sa kanya.