MANILA, Philippines - Nagsisimula nang maagnas sa madamong bahagi ng Brgy. Aupagan, Butuan City, Agusan del Norte ang bangkay ng isang ginang na napaulat na isang linggo ng nawawala.
Batay sa ulat, dakong alas-7:00 ng umaga nang maÂtagpuan ang bangkay ng biktimang si Norma Salimbot, 29, residente rin ng nasabing lugar na nakitaan rin ng mga sugat sa katawan.
Nabatid na ang ginang ay pinaghahanap ng kaniyang live-in partner noon pang Oktubre 1 matapos itong magÂpaalam para maghanap ng trabaho, subalit nabigo ng makabalik ang biktima sa kanilang bahay hanggang sa madiskubre ang bangkay nito.