MANILA, Philippines - Naaresto kahapon sa isang entrapment operation sa isang restoran sa Magalang St., Brgy. Pinyahan, Quezon City ang dalawang babae na nagpakilalang kawani ng Land Transportation Franchising and Regulatory Board (LTFRB) matapos na hingan ng malaking pera kapalit ang bibilhing prangkisa ng isang dentistang babae.
Ang mga suspek na inaresto ay kinilalang sina Ma. Lourdes Natividad, at Lita Galera, 37 pawanag taga-Brgy. Pinyahan ng lungsod.
Inireklamo ng isang Ma. Leonora Andya-ZoÂleta, 42, may-asawa, dentista ng Block 10, Lot B, Greentown Villas 1, Mambog, Bacoor, Cavite City kaugnay sa paghingi ng pera ng mga ito na may kabuuang P170,000 para sa paglalakad ng prangkisa ng UV Express.
Nag-ugat ang pag-aresÂto nang makipagtranÂsaksyon ang biktima sa mga suspek para sa pagbili ng prangkisa ng UV Express sa halaÂgang P170,000 noong July 15, 2013 sa may opisina ng mga huli sa may MagaÂlang St. at nagbigay ito ng P100,000.
Subalit, bago magtapos ang buwan ng Oktubre nang muling tsinek ang status ng kanyang aplikasyon sa mga suspek ay hindi na mahagilap kahit sa tawag o text.
Nang muling magkita ay hiningi ng mga suspek sa biktima ang balanseng P70,000 para sa maaga umanong paglabas ng kanyang aplikasyon.
Nagduda na ang biktima kung kaya’t humingi ito ng tulong sa pulisya na nagsagawa ng entrapment operation sa nasabing lugar at nadakip ang mga suspek.