MANILA, Philippines - Namahagi ng mga relief goods ang mga miÂyembro ng Youth VoÂlunteers of Jamby MadÂrigal noong Sabado sa mga residente ng Barangay Tatalon sa Quezon City na naapektuhan ng baha dulot ng bagyong Maring at habagat.
Ayon kay Antonio EñeÂres, kasapi ng Youth Volunteers of Jamby MadÂrigal, naisipan ng grupo niya na magbigay ng tuÂlong nang makita nila sa telebisyon ang nangyari sa mga taong naninirahan malapit sa mga estero kaya’t mabilisan silang nag-ambag-ambag at naÂmili ng pantawid-gutom katulad ng bigas, sardinas at noodles. Sinabi rin ng grupo na walang halong pulitika ang ginawa nilang pagtulong at nagkataon lang na sila ay youth voÂlunteers ni dating senadora Jamby Madrigal.