MANILA, Philippines - Nasawi ang 4 katao habang 61 ang naratay sa ospital makaraang malason ang mga ito sa pagkain ng pawikan naganap sa Brgy. Rawis, Poblacion, Arteche, Eastern Samar.
Kinilala ang mga nasawing sina Marlon Mosende Nuguit, 23; Ramon Despe Nuguit, 55; Marcosa Flores Picardal, 80 at Lilia Picardal, 56, habang nasa kritikal sina Eugenia Galit Nuguit at Arjay Despe Galit.
Nabatid na ang naturang pawikan ay patay na umano ng makuha ng mga maÂngiÂngisda habang lumulutang sa dagat noong Biyernes ng gabi kung saan kinatay ito na umaabot ng 20 kilo at inilagay muna sa freezer.
Nitong Linggo hanggang nitong Lunes ay ipinamahagi ng mga mangingisda ang pawikan sa kaniyang mga kapitbahay na niluto ng mga ito at pinagsaluhan sa hapunan.