Tsinoy pinatay sa harap ng misis

MANILA, Philippines - Nagdadalamhati ngayon ng isang misis makaraang pagbabarilin at mapatay ang kanyang mister sa kanyang harapan ng isang hindi pa nakikilalang salarin lulan ng isang motorsiklo, kamakalawa ng hapon sa Navotas City.

Isinugod pa ngunit hindi na umabot ng buhay sa Tondo Medical Center ang biktimang si Anthony Dy, 39-anyos, ng  #53 Bernardo Street, Brgy. San Rafael ng naturang lungsod.  Nagtamo ito ng mga tama ng bala ng kalibre .45 sa iba’t ibang bahagi ng katawan.

Mabilis namang nakatakas ang salarin lulan ng itim na motorsiklo na hinihinalang bayarang “hitman”.

Sa ulat ng Navotas City Police, naglalakad ang biktima kasama ng misis na si Tuesday Dy, 38, sa Gene­ral Lim Street, sa natu­rang barangay nang biglang lapitan ng salarin at walang sabi-sabing pinagbabaril ito dakong alas-2:45 ng hapon.

Tiniyak muna ng salarin na wala nang buhay ng biktima nang tigilan nito ang pamamaril habang hindi naman sinaktan ang ginang.

Narekober ng mga ta­uhan ng Scene of the Crime Ope­ratives (SOCO) sa pi­nang­yarihan ng krimen ang limang basyo ng bala ng ka­libre .45 baril.