MANILA, Philippines - Bangkay na nang maÂdiskubre ng mga kaibigang estudyante ang kanilang kaklase sa bahay ng tiyahin nito matapos na gahasain at patayin kamakalawa sa Sitio Toloot, Brgy. Poblacion, Sibonga, Cebu.
Kinilala ang biktiÂma na si Maygrace SupeÂraÂles, 19-anyos na may bakas ng kamay sa leeg na palantandaang sinakal ito ng suspek na kapitbahay ng kanyang tiyahin sa naÂsabing lugar.
Batay sa ulat ng pulisÂya, bandang alas-10:00 ng umaga nang madiskubre ang bangkay ng biktima na may malalim na saksak sa leeg, nakataÂbon dito ang duguang kumot, wala ng suot na blouse at short at nakababa ang panty sa kaÂniyang mga paa.
Pinaghahanap na ng pulisya ang lalaking kapitbahay ng tiyahin ng biktima matapos itong hindi matagpuan sa lugar ilang oras bago nadiskubre ang krimen.
Ang biktima ay nanuÂnuluyan sa kaniyang tiÂyaÂhin dahil sa malayo ang kanilang bahay na nasa bulubunduking Brgy. Basak mula sa pinapasukan nitong Sibonga Community College kung saan kuÂmukuha ito ng kursong Education.
Lumalabas sa imbesÂtigasyon na naiwang mag-isa ang biktima sa bahay ng tiyahin nito nang pasukin, halayin at paslaÂngin ng salarin.
Magulong-magulo rin ang buong kabahayan na indikasyong nanlaban ang biktima sa nasabing suspek.
Nadiskubre ang krimen matapos na magtuÂngo ang mga kaibigang estudyante ng biktima sa bahay matapos itong mabigong pumasok sa kanilang klase nitong Biyernes ng umaga.
Sa isinagawa namang pagsusuri ni Dr. Ernesto Sariego, Municipal Health Officer sa bangkay ng biktima ay nabatid na walong oras na itong patay nang madiskubre ang krimen.