MANILA, Philippines - Mas ninais ng isang bagong laya sa kulungan na magbigti na lamang sa halip na muling makulong sa takot na hindi pa siya absuwelto sa kasong robbery.
Ang biktima ay nakilalang si Paul Anthony Macaspac, 27, naniniraÂhan sa Gitna St., Barangay Apolonio Samson, Quezon City na natagpuang nakabigti dakong alas-3:45 ng hapon sa kuwarto ng kanilang bahay.
Inamin naman sa pulisya ng asawa ng biktima na si Sharlene na ang kanyang mister ay isa umanong drug addict at dati ng naaresto sa pagnanakaw.
Gayunman, nitong Huwebes ng hapon, nagsabi umano ang biktima sa kanyang misis na hindi na niya gustong bumalik sa kulungan sa takot na hindi pa siya absuwelto sa kaso.
Nagpaalam pa ang biktima sa misis na alagaan ang kanilang mga anak anuman ang mangyari.