MANILA, Philippines -Isang 7-anyos na baÂtang lalaki ang napisak matapos na mabundol at makaladkad ng isang dump truck kamakalawa ng hapon sa kahabaan ng Baguio-Itogon Road, Brgy. Ucab, Itogon, Benguet.
Ang biktima na hindi na umabot ng buhay sa Baguio Medical Center ay nakilalang si Matt Lander Wangit, grade 1 pupil, residente ng Minerside, Brgy. Ucab ng bayang ito.
Sa ulat, ng Cordillera Police, bandang alas-3:00 ng hapon ay bigla lamang umanong nagtatakbo ang biktima na tuluy-tuloy na sinalpok ng kulay berdeng mini dump truck (RBN 881) na minamaneho ni Roldan Fronda, 21, minero at residente ng Loacan, Benguet.
Hindi na nagawa ng driver na kontrolin ang manibela sa biglaang pagÂtawid ng bata kaya’t tuluy-tuloy na nasagasaan at nakaladkad ng ilang metro.