MANILA, Philippines - Nagpaalam muna sa kanilang mga anak bago sabay nagpakamatay sa pamamagitan nang pagbibigti ang isang mag-asawa naganap kamakalawa sa loob ng kanilang bahay sa Brgy. Imulnod, Brooke’s Point, Palawan.
Batay sa ulat, pasado alas-5:00 ng hapon nitong Huwebes nang natagpuang nakabitin ang bangkay ng mag-asawang Caton Lee, 38 anyos at misis nitong si Lucinda, 44.
Sa pagsisiyasat ng pulisÂya, una umanong nagplano ang nasabing mister na nagpaalam pa sa kaniyang misis na magpapakamatay dahil sa nahihirapan na sa malubhang karamdaman na kaniyang dinaranas.
Hinihinala namang bagaman sumang-ayon ay nakiisa na rin ang nasabing misis na sumama sa pagpapatiwakal ng mister kaya sabay silang nagbigti.
Nang kunan ng pahaÂyag ng mga imbestigador ang naulilang pamilya ng mag-asawa ay nabatid na bago ang insidente ay pinulong ng mag-asawa noong Miyerkules ang buong pamilya at nagpaalam na mawawala na umano silang dalawa.
Tinagubilinan rin ng mga ito ang kanilang mga anak na huwag mag-aaway at paghatian ng tama ang kanilang maiiwang kayamanan.
Ang bangkay ng naÂkabigting mag-asawa ay magkatabi nang matagpuan sa kisame ng kanilang silid.
Wala namang nakitang foul play ang mga otoridad sa pagpapakamatay ng naturang mag-asawa.