Libu-libong pasahero stranded kay Gorio
MANILA, Philippines - Inihayag kahapon ni National Disaster Risk Reduction and Management Council (NDRRMC) Executive Director Eduardo del Rosario, umaabot na sa 6,572 pasahero ang stranded sa mga pantalan bunga ng malalakas na pag-ulang dulot ng paÂnanalasa ng bagyong Gorio sa mga apektadong lugar sa Region V, VI, VIII at CARAGA maÂtapos na mag-landfall kahapon dakong alas-10:32 ng umaga si Gorio sa HerÂnaÂni, Eastern Samar.
Nasa ilalim ng signal number 2 ang lalawigan ng Masbate kabilang ang Ticao at Burias Island, Catanduanes, CamaÂrines Sur, Camarines NorÂte, Albay, Sorsogon; pawang sa Bicol Region; Marinduque, Quezon kabilang ang Pollilio Islands, Samar Provinces, Biliran at Leyte.
Samantala, kabilang naman ang Metro Manila sa nasa ilalim ng signal number 1 gayundin ang mga lalawigan ng Romblon, Oriental Mindoro, Batangas, Laguna, Cavite, Rizal, Bataan, Bulacan, Zambales, Tarlac, La Union, Benguet, Ifugao, NueÂva Vizcaya, Quirino, Aurora, Nueva Ecija, PamÂpanga, Pangasinan, Southern Leyte, Capiz, Aklan, Eastern Iloilo, NorÂthern Cebu kabilang ang Camotes at Bantayan Islands.
Nagbabala si Del RoÂsario sa mga naninirahan sa mga mababa at buluÂbunduking lugar sa mga lalawigang nasa ilaÂlim ng signal number 1 at 2 na mag-ingat sa panganib na maaring iduÂlot ng landslide at flashflood.
- Latest
