Nakamotor dinedo ng nakamotor

MANILA, Philippines - Isang lalaki na sakay ng kanyang motorsiklo ang binaril sa mukha ng isang hindi pa nakikila­lang lalaki na sakay din ng motorsiklo kamakalawa ng hapon sa kahabaan ng Paliparan Road, Dasmariñas City, Cavite.

Namatay noon din ang biktima na si Oscar Celis nasa hustong gulang residente ng Brgy. San Francisco, Gen. Trias. Cavite.

Sa ulat ng pulisya ganap na alas-3:10 ng hapon ay binabaybay ng bikti­ma na sakay ng kanyang Yamaha STX (YK-5495) na kulay asul nang saba­yan ng suspek na sakay din ng motorsiklo na hindi nakuha ang plaka.

Dinikitan ng suspek ang biktima at dito na ito binaril sa mukha bago tu­­luyang tumakas. Patuloy ang imbestigasyon ng pulisya sa kaso.