Bebot utas sa cement mixer

MANILA, Philippines -Nasawi ang isang babae na nagmamaneho ng motorsiklo nang masalpok ito ng isang cement mixer matapos na mag-u-turn sa bawal kahapon ng umaga sa Quezon City.

Ang nasawi ay kinila­lang si Cynthia Mallari, 22, Cadaing Compound, Sta.Quiteria, Caloocan City.

Batay sa ulat, dakong alas-5:00 ng umaga ay minamaneho ng biktima ang kanyang motorsiklo (4310PM) sa kahabaan ng south-bound lanes ng Mindanao Avenue nang ito ay mag u-turn sa lugar malapit sa Tandang Sora Avenue.

Hindi umano ito napuna ng driver ng mixer na si Alberto Guillermo, 37 ang pag-ikot ng biktima dahil wala naman sa lugar na may ikutan kaya’t nasalpok at nasagasaan niya ito.

Ang suspek ay nahaharap sa kasong reckless imprudence resulting to homicide.