MANILA, Philippines -Aksidenteng nagsalpukan ang isang van sa kasalubong na trak na ikinasawi ng anim katao na sakay ng van habang walo pa ang nasugatan na naganap kahapon ng hapon sa national highway ng Parang, Maguindanao.
Sa inisyal na ulat, bandang alas-3:00 ng hapon ay sinabi ni Sr. Supt. Rodelio Jocson, Director ng Maguindanao Provincial Police Office (PPO), na ang sakuna ay naganap sa national highway ng Brgy. Sarmiento ng baÂyang.
Isinugod naman sa pagamutan sa Cotabato City ang mga nasuÂgatang biktima para malapatan ng lunas kabilang ang ilang nasa kritikal na kondisyon.
Sa kasalukuyan ay inaalam pa ang pagkakakilanlan ng mga nasawi at nasugatan sa insidente dahilan sa nag-iimbestiga pa ang lokal na pulisya sa pinangyarihan ng salpukan ng behikulo.
Nabatid na kasalukuyang bumabagtas sa lugar ang Toyota Innova at kasalubong nitong 10 wheeler truck nang aksidenteng magbanggaan .
Sa lakas ng banggaan ay nasawi ang anim katao habang sumaklolo naman ang rescue team upang isugod ang mga sugatan sa banggaan.
Patuloy ang isinaÂsagawang imbestigasyon sa kaso upang alamin ang sanhi ng sakuna.