MANILA, Philippines - Isang pulis ang nasawi nang ito ay pagbabarilin ng mga suspek na sakay ng isang motorsiklo kamakalawa ng gabi sa Brgy. Tumaga, ZamÂboanga City.
Ang nasawi ay kinilalang si SPO1 Rowan Lim, nakatalaga sa Sangali Police Station 3 ng Zamboanga City Police na nagtamo ng mga tama ng bala ng cal. 45 pistol sa kaniyang katawan.
Batay sa ulat, dakong alas-6:30 ng gabi nang maganap ang pamamaril sa biktima sa entrance ng Wanni Drive, Brgy. TuÂmaga ng lungsod.
Nabatid na bigla na lamang sumulpot sa lugar ang mga suspek na magkaangkas sa kulay pulang motorsiklo na walang plaka at pinagbabaril ang biktima na sinusundan ng mga ito.
Duguang bumulagta ang biktima na bagaman nagawa pang maisugod sa Zamboanga City Medical Center ay nasawi rin ito habang nilalapatan ng lunas.