MANILA, Philippines -Hindi umubra ang isang lalaking manyakis sa isang dalaga na hinihipuan nito sa loob ng pampasaherong jeep nang tirahin siya ng pepper spray kahapon ng umaga sa Quezon City.
Ang suspek na naaresto ay kinilalang si Ernesto Rodriguez, 34 na dinamba ng mga kaÂlaÂÂlakihang hiniÂngan ng tulong ng biktimang si Giardine Datiles, 30, associate litigation document specialist matapos mahilo sa pepper spray na tinira sa kanyang mukha.
Batay sa ulat, dakong alas-8:00 ng umaga ay magkatabi ang biktima at suspek sa isang pampasaherong jeepney nang hipuan ng huli ang dibdib ng una.
Sa pag-aakalang nasagi lamang ipinasya ng biktima na dumistansya ng kaunti sa suspek, subalit tumabi muli ito sa biktima at muling hinipuan sa dibdib pagdaÂting sa harap ng citymall complex sa kahabaan ng Commonwealth Avenue, Brgy. Old Capitol Site.
Kaya’t agad na kinuha ng biktima ang dala niyang pepper spray at direktang tinira ang mukha ng suspek at saka humingi ng tulong sa mamamayan at inaresto ang huli.
Ang suspek na nakapiit sa PS9 ay nahahaÂrap sa kasong acts of lasÂciÂviousness.