MANILA, Philippines - Kung mawala sa Magic 12 ang 6 na senador na naiproklama habang patuloy ang pagbilang sa mga elections returns ay naÂngako si Comelec Chairman Sixto Brillantes na siya ay magbibitiw sa puwesto.
Magugunita na kamakalawa ay pormal nang naiproklama sina Grace Poe, Loren Legarda, Francis Escudero, Alan Peter Cayetano, Nancy Binay (na hindi sumipot) at Juan Edgardo Angara.
Malaki ang paniniwala ni Brillantes na hindi na magagalaw pa ang anim sa kanilang puwesto kahit pa hindi tapos ang bilangan.
Hinamon din nito ang kanyang mga kritiko na maghain ng annulment of proclamation sakaling duda ang mga ito sa mga boto na natanggap ng mga naunang naiproklama.
Ayon naman sa election lawyer na si Atty. Romulo Macalintal, sa ilalim aniya ng regulasyon ng National Board of Canvass, maaari lamang isagawa ang proklamasyon kung nabilang ang lahat ng certificates of canvass (COC).