MANILA, Philippines - Mistulang kinatay na hayop ang ginawa sa biktimang si Daler Draper, 37 nang siya ay gilitan sa leeg ng kanyang kaaway na si Rodel Badjao, 25-anyos nang magsalubong sila ng tinginan kahapon ng umaga sa Pasay City.
Sa ulat, mag-uumpisa pa lamang ng kanyang pamamasada si Draper nang makasalubong si Badjao sa may Marconi Street at nagkatinginan ng masama ang dalawa na naging dahilan ng hamunan ng away na nauwi sa suntukan hanggang sa kumuha ng patalim ang suspek at pinagsasaksak ang biktima at para matiyak ang kamatayan ay ginilitan ang leeg nito.