MANILA, Philippines - Isa namang babaeng kidnaper ang naaresto ng mga otoridad matapos na tangayin ang isang 3-anyos na batang babae na naglaÂlaro kahapon ng umaga sa Tondo, Maynila.
Ang suspek ay nakilaÂlang si Tessie Lozano, 30-anyos at residente ng no. 1343 Quiricada St., Tondo, Maynila na kasalukuyang nakakulong.
Batay sa ulat, nakita ng lolo ng biktima na si Edgar Granito, residente ng Solis St., Tondo, ang kaniyang apo na itinago sa pangalang “Baby†na umiiyak at taÂngay-tangay ng suspek.
Agad na humingi ito ng tulong kay Chairman Jaime Angelo ng Brgy. 214 Zone 20 kaya’t hinabol ang suspek ng mga tanod at ilang tambay hanggang sa makorner sa dead end.
Nabatid na naglalaro lamang ang paslit sa tabi ng mga kalaro nang ito ay tangayin ng suspek.
Sa himpilan ng pulisya ay nagpapakita umano ng senyales na may sira sa pag-iisip ang suspek na umamin na wala siyang pera kaya ibebenta ang bata.
Duda naman ang mga otoridad sa kilos ng suspek na posibleng nais lamang makalusot sa kaso dahil ang kaniyang modus ay tulad din ng isa pang Purification Gozon, 50, ang babaeng tumangay sa 3-taong gulang din na anak ng dentista, sa Tayuman Tondo, Maynila, noong Abril 13.