MANILA, Philippines -Isang 3-anyos na baÂtang lalaki ang iniulat na naÂwawala matapos na tangaÂyin ng isang matandang laÂlaki noong Linggo sa Brgy. Pinyahan, Quezon City.
Ang batang nawawala ay kinilalang si John GabÂriel Calimag.
Sa salaysay ng ina ng bata na si Grace Calimag, 29, nitong Linggo ng alas-5:00 ng hapon nang mawala ang kanyang anak matapos na sumunod ito sa kanyang tatay na nagpunta sa palengke na ilang hakbang ang layo sa kanilang bahay sa may no. D-208 Nia Road, Brgy. PinÂyahan.
Hindi anya napuna ng kanyang asawa ang pagsunod ng kanilang anak, hanggang sa hindi na nila ito nakita, simula noon.
Ang bata ay nakasuot ng kulay dilaw na sando at naka-pajama na may bulsa sa magkabilang tagiliran, saka nakasuot ng tsinelas na kulay pula nang ito ay mawala.
Ayon sa isang nakakita na 13-anyos na binatilyo na nakita niya umano ang bata na bitbit ng isang matangkad na lalaking parang AmeÂrikano sa may gilid ng MRT (Metro Rail Transit) saka isinakay ito sa isang bus.
Magugunita na kamaÂkailan ay tinangay din ang 1-anyos na batang lalaki na si Buboy ng isang mangaÂngalakal na ibinenta sa isang mag-asawa na taga-BaclaÂran na kalaunan ay naibalik din sa tunay nitong magulang.