Konsehala itinumba

MANILA, Philippines -Agad na nasawi ang isang babaeng Brgy. Coun­­cilor habang sugatan naman ang isang miyembro ng Citizens Armed Forces Geographical Unit (CAFGU) matapos na pagbabarilin ng hindi pa nakilalang mga armadong suspek sa  Bayugan City, Agusan  del Sur kamakalawa ng gabi.

Kinilala ang nasa­wing biktima na si Jenny Agipo, 44, konsehala sa Brgy. Berseba ng lungsod.

Isinugod naman sa Bayugan Medical Center  para malapatan ng lunas ang sugatang si Pio Lamit Jr, aktibong miyembro ng CAFGU sa lugar.

Sa imbestigasyon, si­na­bi ni CARAGA Police Spokesman Supt. Martin Gamba, naganap ang insidente sa loob ng tahanan ni Agipo sa nabanggit na barangay bandang alas-6:30 ng gabi.

Ayon kay Gamba, big­la na lamang umanong pu­masok sa pintuan ng ta­hanan ni Agipo ang tat­long mga armadong sus­pek at pinagbabaril ang mga biktima.

Matapos mapuruhan ang target ay mabilis na nag­sitakas ang mga suspek patungo sa hindi pa malamang destinasyon.