MANILA, Philippines - Agad na pinakalma ng Department of Health ang publiko at sinabi na walang dapat ipangamba laban sa umano’y panibagong pagkalat ng bird flu virus na H7N9.
Sinabi ni Dr. Lyndon Lee Suy, pinuno ng Emerging and Re-emerÂging Diseases ng DOH, wala pang pang dokumentadong kaso ng human-to-human transmission ng naturang bird flu.
Ang katiyakan ay ginawa ng doctor dahil na rin sa pangamba ng publiko na makapasok sa bansa ang naturang sakit na naÂkamamatay.
Hindi pa tukoy kung ang H7N9 ay galing sa ibon, baboy o sa mga tao.
Binanggit pa ng doktor na hindi pa rin malinaw kung bagong uri ng mikrobyo o mutation ang nasabing virus.
Magugunita na lumabas sa ulat sa China na tatlo katao ang kumpirmadong tinamaan ng H7N9 na ang dalawa rito ay namatay at sa ngayon ay sinasabing may apat pang tinamaan ng H7N9 na umano ay nasa kritikal na kondisyon.