MANILA, Philippines -Halos nalapnos ang balat ng tatlong kitchen crew ng isang pizza restaurant matapos sumabog ang gamit na “pressure frier†na puno ng mantika sa loob ng SM Mall of Asia sa Pasay City kahapon ng umaga.
Kabilang sa mga dinala sa MOA Clinic sanhi ng tinamong matinding paso ng kumukulong mantika sa braso at kamay ay sina JhonÂseth Yanido, 25, Bernard Gunao at Rhijay Llantoc, pawang mga service crew ng naturang Shakey’s restaurant.
Sa pahayag ni Analyn Forteria, store manager na naganap ang pagsabog dakong alas-10:45 ng umaga habang pinapainit na ng mga service crew ang mantika sa pressure frier.
Inaalam pa kung ano ang dahilan ng pagsabog ng pressure frier. Wala ring itinaas na alarma ang Pasay City Bureau of Fire ProtecÂtion dahil hindi naman humantong sa paglagablab ng apoy ang nangyaring pagsabog.