Olivarez kinastigo sa maling ingles

MANILA, Philippines - Dahil sa umano’y maling pagsusulat ng Ingles ni Parañaque City Rep. Edwin Olivarez na ibinigay nitong mensahe sa ginanap na graduation rites ng mga high school at grade school student sa lungsod kamakailan, kaya ito kinastigo sa ibat-ibang networking site sa internet.

Ang mali-maling Ingles ni Rep. Olivarez ay kumalat ngayon sa Facebook at sa blog na reynaelena.com na umani ng hindi magandang komento.

Partikular na pinuna ng mga Facebook users ang paggamit ni Olivarez ng mga salitang hindi angkop para sa nasabing okasyon.

Ayon sa naturang blog, ang mali-maling Ingles na mensahe ni Olivarez ay nasa ceremony program na ipinamahagi sa Parañaque National High School-La Huerta Annex, Parañaque National High School Don Galo Annex at Paaralang Elementarya ng Sto. Niño.

Sa unang bahagi pa lamang ng mesahe ni Olivarez ay kitang-kita na ang maling salita na kanyang ginamit na nakasaad ang ganito. “Once again, the penultimate day of a momentous accomplishment is once more unfolding to all of you my Dear Graduates.

Ayon sa mga komen­to, hindi angkop ang sa­litang “penultimate” na ginamit ng mambabatas sa unang bahagi ng kanyang mensahe dahil “ang graduation ay katapusan ng isang yugto lamang at simula ng panibagong yugto ng buhay ng mga mag-aaral.”

Sa diksyunaryo, ang salitang penultimate ay nangangahulugan ng pa­ngalawa sa huli.

Hindi rin umano naiintindihan ng marami sa mga estudyante ang na­turang salita, dahilan kung bakit marami sa mga estudyante ay hindi nakinig sa kanyang mensahe at mas ginusto pa ng iba na mag-text at magkuwentuhan.