MANILA, Philippines - Naalarma ang Estados Unidos sa umano’y laganap na pagre-recruit ng Jemaah Islamiyah (JI) terrorist at ng mga kaalyado ng bandidong Abu Sayyaf Group (ASG) sa rehiyon ng Mindanao sa pamamagitan ng social networking site tulad ng facebook at iba pa.
Ayon kay US Ambassador Harry Thomas Jr. sa ginanap na Security and Defense Kapihan sa Embahada sa Defense Press Corps na ang JI at ASG ay ginagamit ang internet sa pamamagitan ng social media upang makapag-recruit at maghatid ng kasinungalingan sa kanilang ipinaglalaban.
Ang JI terrorist ay ang Southeast Asian terror network na naitatag ni Osama bin Laden, ang lider ng Al Qaeda na napatay ng US commandos sa AfghanisÂtan may ilang taon na ang nakalilipas.
Sinabi ni Thomas na nakababahala ang nasabing recruitment ng magkaalyaÂdong teroristang grupo dahilan maraming mga inosente na hindi naman ipinanganak na mga teroÂrista ang nalilinlang ng mga ito para sumapi sa kanilang grupo.
Alinsunod sa malawakang kampanya para masugpo ang pandaigdigang banta ng terorismo, sinabi ni Thomas na kaalyado ng kanilang gobyerno at puwersa ang PNP at AFP sa paglaban kontra terorismo.
Sa panig naman ni US Navy Captain David Cole, Deputy Commander ng JSOTF Philippines , sinabi nito na nasa paligid-ligid lamang ang mga bandidong Abu Sayyaf Group (ASG) sa Mindanao at nanatili ang mga itong banta sa seguridad hangga’t hindi nalilipol ang puwersa.