MANILA, Philippines - Isang 25-anyos na babae na anak ng isang bise alkalde sa lalawigan ng Laguna ang nagpakamatay sa pamamagitan nang pagbaril sa ulo sa tinutuluyang boarding house sa loob ng isang kolehiyo sa Brgy. Balian, bayan ng Pangil ng lalawigan.
Ang nasawi ay kinilalang si Jo Anne Dioces Reyes, dalaga, Assistant Registrar sa Laguna MaÂritime Arts and Business College at panganay na anak ni Pangil Vice MaÂyor Jovit Reyes.
Batay sa ulat, dakong alas-5:00 ng hapon nang matagpuang patay ang biktima sa silid na tinutuluyan at pinagpapahingahan na boarding house ng nasabing kolehiyo.
Bago ang insidente ay nakita pa ang biktima ng kaniyang nakababatang kapatid na si Joyvette Reyes dakong alas-3:00 ng hapon na umiiyak at nagkulong umano sa kaniyang silid.
Pansamantalang umalis si Joyvette at nagtungo sa kaniyang classroom at pagbalik nito ay sarado ang silid ng kaniyang ate at ayaw siyang pagbuksan ng pinto.
Humingi ito ng tulong sa maintenance boy na si Gilberto Anievas para buksan ang silid ng kaniyang kapatid at dito ay bumulaga ang bangkay ng kaniyang ate sa ibabaw ng kama na may tama ng bala sa ulo.
Nakuha sa tabi ng bangkay ng biktima ang isang revolver handgun na ginamit nito sa pagpapatiwakal.
Walang pang makuhang dahilan ang pulisya kung bakit nagpakamatay ang biktima.