MANILA, Philippines - Kinidnap ng isang laÂlaking sakay ng motorÂsiklo ang isang 12-anyos na batang babae kahapon ng madaling-araw at habang humihingi ng ransom ay nagawang makatakas ito sa CaloÂocan City.
Sa ulat ng pulisya, dakong ala-1:00 ng madaling araw ay nakatanggap ng text ang biktima na itinago sa pangalang Eliza, nakatira sa 7th AveÂnue ng lungsod mula sa suspek na nagpanggap itong tatay niya.
Nakalagay sa text message na natanggap ng biktima ay pinalalabas siya sa bahay.
Sa pag-aakala ng biktima na tatay niya ang kanyang ka-text ay luÂmabas ito ng bahay na siya namang pagdakma sa kanya ng suspek.
Agad na binusalan ang biktima at iginapos ang mga kamay at isinakay sa motorsiklo ng suspek.
Ilang minuto ang nakalipas ay kinontak ng suspek ang magulang ng biktima at humingi ng P500,000 ransom money bilang kapalit ng kalayaan ng biktima.
Habang nakikipag-usap ang suspek sa magulang ng biktima ay nagawa nitong makaÂtakas hanggang sa nakauwi ito ng kanilang bahay at isinalaysay nito sa mga kaanak ang insidente.
Inaalam na ng mga pulis ang pagkakakilanlan ng suspek.