MANILA, Philippines - Isang Chinese-Filipino national ang inaresto ng mga tauhan ng Quezon City Police District-Anti-Illegal Drugs-Special Operation Task Group (QCPD-SOTG) matapos makuhanan ng tinatayang aabot sa P2 milyong halaga ng shabu sa isinagawang buy-bust operation kahapon.
Kinilala ni Senior Insp. Roberto Razon, hepe ng QCPD-DAID, ang suspek na si Xiong Chen, 49, naninirahan sa # 1883, J. Abad Santos, Tondo Manila.
Si Chen ay nakuhanan ng isa’t-kalahating kilo ng shabu na nagkakahalaga ng P2 milyong piso.
Ayon kay Razon, isang linggong tinugaygayan ng tropa ng DAID ang nasabing suspek base na rin sa tip ng isang chinese informant hingil sa pagbebenta nito ng shabu sa lugar ng Manila, partikular sa Binondo.
Nakipagtransaksyon ang mga awtoridad sa suspek sa pamamagitan ng pagbili ng kalahating kilo ng droga, gamit ang isang poseur buyer ng DAID.
Nagkasundo ang suspek at poseur buyer na magpalitan ng items sa Banawe, corner Maria Clara Sts, Quezon City ganap na alas-2:15 ng hapon.
Aktong iniaabot umano ng suspek ang droga sa buyer nang lumabas ang mga awtoridad at arestuhin ito.