Cafgu dedo sa BIFF
MANILA, Philippines - Isang miyembro ng Cafgu Active AuÂxiliary (CAA) na kinilalang si Rene Amartiral ang nasawi matapos makasagupa ang grupo ng Bangsamoro Islamic Freedom Fighters (BIFF) sa Brgy.Neb, Lake Sebu, South Cotabato kamakalawa.
Sa ulat ni Captain William Rodriguez, spokesman ng Army’s 1002nd Brigade, bandang alas-5:50 ng umaga nang magÂresponde ang tropa ng Army’s 27th Infantry Battalion matapos matanggap ang ulat hinggil sa paghahasik ng gulo ng grupo ni Binago alyas Mod, Sub Commander ng naturang grupo.
Agad nagkaroon ng palitan ng putok sa pagitan ng mga sundalo at ng grupo ni Mod at nasapul si Amartiral.
Ang BIFF ay ang breakaway group ng mga rebeldeng Moro Islamic Liberation Front (MILF) na lumagda sa peace pact sa pamahalaan nitong nakalipas na taon.
- Latest
