MANILA, Philippines - Tinodas ng isang 67-anyos na lolo ang kanyang sarili sa pamamagitan ng pagsaksak kamakalawa ng gabi dahil sa sakit na tuberculosis na iniinda nito ng halos may sampung taon naganap sa Pasay City.
Natagpuang patay sa loob ng kanyang bahay ang biktimang si Igmidio Villegas, ng no. 1255 R. Cruz St., Malibay, ng lungsod.
Batay sa pulisya, dakong alas-6:20 ng gabi nang madiskubre ng isang 8-anyos na bata ang bangkay ng kanyang lolo sa sala ng kanilang bahay kaya’t humingi ng saklolo.
Sa salaysay ng mga anak ng biktima sa pulisya na madalas umanong sabihin sa kanila ng kanilang ama na nais nitong mamatay dahil wala ng kalunasan ang kanyang sakit na tuberculosis at nagpapabalik-balik lamang sa kabila ng pagpapagamot.
Narekober ng pulisya ang ginamit ng biktima na kitchen knife sa ibabaw ng mesa na itinarak sa dibdib nito.