MANILA, Philippines - Isang bandidong miyembro ng Abu Sayyaf Group (ASG) na kinilala sa alyas Tuma na sangkot sa pagdukot sa 5 miyembro ng Jehovah’s Witnesses noong 2002 sa Sulu ang nasakote nang pinagsanib na elemento ng militar at pulisya matapos itong makorner sa operasyon sa Brgy. Tulongatong, Zamboanga City kamakalawa.
Sa ulat ni Army’s 1st Infantry Division (ID) Spokesman Captain Alberto Caber, bandang alas-11:20 ng umaga nitong Biyernes nang masakote ng mga otoridad si Tuma sa nasabing lugar sa bisa ng warrant of arrest na inisyu ni Pasig City Regional Trial Court (RTC)-Branch 266 Judge Toribio E. Ilao Jr.
Bago ang operasyon ay isinailalim ng mga otoridad sa masusing surveillance operation ang lugar matapos na makatanggap ng impormasyon na nagtutungo roon si Tuma.