Next Gilas journey

Tepok ang Gilas Pilipinas sa Australia, 60-84, samantalang sumama ang Iran sa Aussies sa pag-usad sa FIBA Asia Cup 2025 semifinals sa pamamagitan ng 78-75 decision kontra Chinese Taipei.

Last two quarters pairings ang China versus South Korea at New Zealand against Lebanon.

At next year na uli ang tsansa nang Gilas ipakita ang kanilang kakisigan sa Asian basketball. Ito ay sa Asian Games sa Nagoya, Japan kung saan idedepensa ng Team Philippines ang koronang pinanalunan sa Hangzhou Asiad.

Hiwalay na journey ang World Cup Asian quali­fying, kung saan isa ang Gilas sa 16 teams na magbabakbakan para sa seven Asian slots sa world meet. Auto­matically qualified na ang Qatar bilang host country.

Goal nina coach Tim Cone at ng tropa ang fourth straight World Cup para sa bansa  – pagkatapos ng 2014 Spain, 2019 China at 2023 Manila.

Pero nasadlak na naman sa masalimuot na grupo ang Gilas kasama ang Australia, New Zealand at Guam.

Malamang naman na makalusot sila sa initial group play dahil three teams per group ang aabante sa next phase.

Ang siste, carry-over ang record sa next round. Dahil dehado sa Australia at New Zealand, malamang na pangit ang tangan ng Gilas na marka patungo sa susunod na group play.

It is what it is. Ani coach Tim, mapupunan ang malaking butas kung makabalik na si Kai Sotto mula sa injury.

Importanteng makalusot tayo sa World Cup. Ang target doon eh maging top Asian team para sa automatic ticket sa 2028 Los Angeles Olympic Games.