Green inilusot ang Rockets sa Spurs
SAN ANTONIO — Bumanat si Fil-Am guard Jalen Green ng 34 points para banderahan ang Houston Rockets sa 106-101 pagdaig kay Victor Wembanyama at sa Spurs.
Nagdagdag si Jabari Smith ng 17 points at humakot si center Alperen Sengun ng 12 points at 12 rebounds para sa Houston (2-2) na bumangon mula sa naunang 106-109 kabiguan sa San Antonio.
May 11 markers si veteran point guard Fred VanVleet tampok ang ipinasok na three-pointer sa huling 18 segundo ng fourth quarter.
Umiskor si Jeremy Sochan ng 22 points para sa Spurs (1-2).
Sa Phoenix, kumamada si Devin Booker ng 33 points kasunod ang 30 markers ni Kevin Durant sa 109-105 pagtunaw ng Suns (3-1) sa Los Angeles Lakers (3-1).
Sa Dallas, tumipa si Kyrie Irving ng 23 points at may 18 markers si Klay Thompson para gabayan ang Mavericks (2-1) sa 110-102 pagdaig sa Utah Jazz (0-3).
Sa Memphis, naglista si Zach LaVine ng 30 points, kasama ang 11 sa fourth quarter, para pamunuan ang Chicago Bulls (2-2) sa 126-123 paglusot sa Grizzlies (2-2).
- Latest
