Amazing rarampa sa Lakambini Stakes Race
MANILA, Philippines — Kabilang sa nagsaad ng paglahok ang Amazing sa magaganap na 2024 PHILRACOM “Lakambini Stakes Race” na ilalarga sa Metro Turf, Malvar - Tanauan City, Batangas sa Setyembre 8.
Makakasamang rarampa sa pista ng Amazing ang 11 kabayong nagdeklara ng pagsali sa event na nakalaan ang P500,000 guaranteed prize na ikakalat sa unang anim na kabayong tatawid sa meta.
Ang ibang nominado sa distansyang 1,600 meter race, ay ang Amor My Love, Beltuna, Boss Lady, Caring Melody, Every Sweat Counts, Heartening To See, High Dollar, Malibu Princess, Over Azooming, Primavera at The Kiss.
Gagabayan ni reigning Philippine Sportswriters Association, (PSA) - Jockey of the Year awardee, John Alvin Guce, posibleng magbigay ng magandang laban sa Amazing ay ang Amor My Love, Beltuna at Every sweat Counts.
Komento ng ibang karerista sa social media, inaasahan din na magpapakitang gilas ang magka-kuwadrang Primavera na sasakyan ni Andreu Villegas at The Kiss na rerendahan naman ni former PSA-JoY awardee Patty Ramos Dilema.
Kukubrahin ng mananalong kabayo ang P300,000, mapupunta sa pangalawa ang P100,000, kukubrahin ng tersero ang P50,000 habang P25,000, P15,000 at P10,000 ang fourth hanggang sixth placers ayon sa pagkakasunod.
Magbubulsa rin ang breeder ng mananalong kabayo ng P25,000 habang P15,000 at P10,000 ang second at third sa karerang suportado ng Philippine Racing Commission, (PHILRACOM).
- Latest
