3 teams pupuwesto sa quarterfinals
MANILA, Philippines — Tatlong koponan ang pupuntirya ng quarterfinals berth sa Pool C sa paghataw ng crossover second round ng 2024 Premier Volleyball League (PVL) Reinforced Conference.
Lalabanan ng PLDT ang ZUS Coffee ngayong alas-5 ng hapon matapos ang salpukan ng Creamline at nagdedepensang Petro Gazz sa alas-3 ng hapon at ang bakbakan ng Chery Tiggo at Choco Mucho sa ala-1 ng hapon sa Philsports Arena sa Pasig City.
Nagposte ng magkakaparehong 4-1 baraha ang Cool Smashers, High Speed Hitters at Crossovers sa Pool A sa first round, habang nasa ilalim ng Pool B ang Gazz Angels (2-3), Flying Titans (1-4) at Thunderbelles ()-5).
Pasok na sa knockout quarterfinals ang Akari (6-0) at Cignal HD (5-1) at isang panalo na lang ang kailangan ng Creamline, PLDT at Chery Tiggo.
Nagmula ang High Speed Hitters sa straight sets win sa Farm Fresh Foxies sa pagtiklop ng first round at nakalasp ang Thunderbelles ng four-set loss sa Capital1 Solar Spikers sa huli nilang laro.
“Iyong mga makaka-crossover namin parang hindi naman talaga sila bottom three kung iisipin,” ani PLDT coach Rald Ricafort sa kanilang mga makakatapat kasama ang ZUS Coffee
Muling sasandal ang High Speed Hitters kina Russian import Lena Samoilenko, Fiola Ceballos, Mika Reyes, Kim Fajardo, Majoy Baron, Kath Arado at Erika Santos.
- Latest
