Villegas ratsada agad!
Pasok sa last 16
PARIS — Kaagad umiskor ng panalo si Pinay boxer Aira Villegas mula sa unanimous win kay Yasmine Mouttaki ng Morocco sa Round of 32 ng women’s 50kg division sa 2024 Olympic Games dito sa North Paris Arena.
Sunod na lalabanan ni Villegas sa Round of 16 si second seed Roumaysa Boualam ng Algeria.
Sina Villegas at Boualam ay sabay na nag-training sa Germany bago sumabak sa Paris Games.
“Alam ni Villegas na laruin iyan,” sabi ni coach Reynaldo Galido.
Matapos ang panalo ay nagpasalamat sa kanyang mga coaches ang 26-anyos na tubong Tacloban.
“Thankful ako sa mga coaches sa suporta nila. Pinakinggan ko lang ‘yung mga sinasabi nila,” sabi ni Villegas kina Galido at Ronald Chavez.
Nakatakda namang sumabak sa aksyon sina Tokyo Olympics silver medalist Nesthy Petecio at bronze medal winner Eumir Felix Marcial.
Makakatapat ni Petecio ang isang Indian fighter sa women’s 57kg Round of 32, habang sasagupain ni Marcial si Turabek Khabibullaev ng Uzbekistan sa 80kg Round of 16.
“Naiwan daw yung ginto sa Tokyo, gusto namin habulin iyong gintong iyon sa Paris,” ani Petecio.
Malaki ang inaasahan kina Petecio at Marcial na makapasok sa final round ng kani-kanilang dibisyon makaraan ang 1-2-1 gold-silver-bronze showingfinish sa Tokyo noong 2021 kasama si silver medalist Carlo Paalam.
“Sa experience, advantage tayo. Pero yung mga bansang Uzbekistan, hindi pwedeng balewain lalo na sa boxing. Exposed sila sa laban. Alam natin ang “Pero alam ko sa sarili ko na handa ako,” dagdag ni Marcial.
Sasalang din sa labanan sina swimmer Kayla Sanchez sa women’s 100m freestyle at judoka Kiyomi Watanabe, samantalang sasagwan si rower Joanie Delgaco sa women’s single sculls quarterfinals.
Samantala sa Bercy Arena, minalas sina Filipina gymnasts Levi Ruivivar, Emma Malabuyo at Aleah Finnegan na makaabante sa final round ng women’s artistic gymnastics.
Pumuwesto si Finnegan sa No. 17 sa kabuuang 20 entries sa vault, si Ruivivar ay No. 40 sa 80 entries sa uneven bars at si Malabuyo ay No. 57 sa 79 sa balance beam at No. 25 sa 77 sa floor exercise.
Tanging ang magtatapos sa top eight sa bawat event ang papasok sa finals.
- Latest
