Ginebra, Slaughter magtatagpo

MANILA, Philippines — Magtatagpo ang landas ng defending champion Barangay Ginebra at ng dating sentro nitong si Greg Slaughter kasama ang bagong koponang NorthPort sa unang pagkakataon sa 2021 PBA Philippine Cup ngayon sa Ynares Sports Arena sa Pasig City.

Magkukrus ang kani-lang landas sa alas-6 ng gabi upang pagbidahan ang umaatikabong triple header tampok din ang pagbabalik-aksyon mula sa isang linggong isolation ng TNT Tropang Giga na ipaparada ang inaabangang No. 4 rookie pick na si  Mikey Wiliams sa unang pagkakataon kontra sa Rain or Shine sa alas-3 ng hapon.

Sa alas-12:30 ng tanghali, patatatagin ng wala pang galos na Magnolia ang kapit sa liderato kontra sa palabang Terrafirma.

Paboritong manaloang Gin Kings kasama ang bagong alas na si Christian Standhardinger subalit hindi ito magiging madali dahil sa presensya ni 7-foot-0 Slaughter para sa NorthPort.

Nangyari ang Slaughter-Standhardinger blockbuster trade noong Marso.