Petecio, pasuit may tsansa sa olympics

MANILA, Philippines — Umabante sa quarterfi­nals sina Nesthy Petecio at Riza Pasuit para makalapit sa inaasam na tiket sa 2020 Tokyo Olympics sa ginaganap na 2020 Asian-Oceanian Continental Olympic Quali­fying Tournament kaha­pon sa Amman, Jordan.

Walang sinayang na sandali si Petecio nang kub­rahin ang matikas na 5-0 unanimous decision win laban kay Krismi Lan­kapurayalage ng Sri Lan­ka para umabante sa quarterfinals ng wo­men’s featherweight class.

“Sobrang focused ako dito. Baka ito na ang last chance ko to be an Olympian. Kailangang ser­yo­sohin la­hat ng laban,” ani Petecio, ang gold me­da­list sa AIBA Women’s World Championships.

Sasagupain ni Petecio sa quarterfinals sa Linggo si Japanese Sena Irie na umiskor ng 5-0 win kontra kay Amy Andrew ng New Zea­land.

Sa kabilang banda ay nag-aalab din si Pasuit nang itakas ang 3-2 split decision win laban kay Hamamoto Saya ng Japan sa women’s lightweight category.

Mapapalaban nang hus­to si Pasuit sa quarter­fi­nals dahil haharapin ni­ya si third seed Wu Shih-Yi ng Chinese-Tai­pei na nabiyayaan ng first-round bye.

Isang panalo na lamang ang kailangang ma­­kuha ni­na Pete­cio at Pa­suit upang makasikwat ng tiket sa 2020 Olympic Games na idaraos sa Tok­yo, Japan sa Hulyo 24 hanggang Agosto 9.

Nakatakda namang su­malang sina AIBA Men’s World Cham­pionships silver medalist Eu­mir Felix Mar­cial at James Palicte sa kani-ka­nilang dibisyon.

Lalarga si Marcila la­ban kay Australian Kir­ra Ruston sa men’s mid­dle­weight at aarangkada si Palicte kontra kay Elnur Abduraimov ng Uzbekis­tan sa men’s light welterweight class.