Bakbakang umaatikabo sa ‘do-or-die’ game ng FEU at UST

MANILA, Philippines — Magbabakbakan ang third seed Far Eastern University at fourth seed University of Santo Tomas sa stepladder ng se­mi­final round sa Season 82 UAAP men’s basketball tournament sa Smart Ara­neta Coliseum.

Nakatoka ang knockout game ng Tamaraws at Growling Tigers ngayong alas 4 ng hapon kung saan ang mananalo ay hahara­pin ang nag-aabang na No. 2 seed University of the Philippines na may ‘twice-to-beat’ advantage.

Umabante ang nag­de­­­­depensang Ateneo De Ma­­nila University sa best-of-three finals matapos walisin ang double round eli­mination kaya ang tatlong koponan ang maglalaglagan sa stepladder.

Binanderahan ni Wendell Comboy ang ratsa­da ng Tamaraws patungo sa three-game winning streak para makatungtong muli ang koponan sa semifinals.

“Siyempre, last year ko na rin, ayaw ko namang ma-out kami, ma-eliminate kami sa eliminations pa lang. Iyong mga sleepless nights, sobrang worth it.” ani Comboy sa kanilang huling pa­nalo kontra sibak nang University of the East.

Bukod kay Comboy ay tiyak na sasandal muli si coach Olsen Racela ki­na LJ Gonzales, Ken Tuffin, Cameroonian Patrick Tchuente at Barkley Ebona na pangunahing pu­wersa ng FEU.

Itatapat naman ni UST head coach Aldin Ayo si­na Renz Abando, Enzo Subido, Brent Paraiso, im­port Soulemane Chabi Yo at Mark Nonoy.

Nakauna ang Grow­ling Tigers nang lapain ang Tamaraws sa una ni­lang paghaharap sa first round, 82-74, noong Set­yembre 23.

Nakaresbak naman ka­­agad ang FEU sa se­cond round nang kunin ang 72-58 panalo noong Oktubre 13 kaya inaasahan ang dikdikan na la­ba­nan nila ng UST.