MANILA, Philippines — Hanggang ngayon na lamang tatanggap ang Best Center ng enrollees para sa kanilang volleyball summer clinics sa St. Patrick School at hanggang Martes naman para sa basketball clinics sa Starmall Alabang at sa Our Lady of Guadelupe Minor Seminary sa Edsa.
Ito ang inihayag ni Nic Jorge na founder at president ng Basketball Efficiency and Scientific Training Center na sponsored ng Milo sa tulong ng Rain or Shine, Chris Sports at SKLZ.
Ang mga klase sa basketball ay magsisimula ngayon sa Malate Catholic School at Ateneo college covered courts (morning at afternoon sessions); at King Seminary sa E. Rodriguez Ave., Quezon City (afternoon sessions).
Ang volleyball classes ay sisimulan sa Ateneo college covered courts (morning sessions) at Malate Catholic School (afternoon sessions) sa Martes.
Ang volleyball classes ay gaganapin sa Ateneo college covered courts simula Miyerkules.