Petecio, Bacho sibak agad sa pagsisimula ng boxing competition

JAKARTA — Dalawang boxers kaagad ang nasibak sa pagsisimula ng kampanya ng 8-man Pinoy pugs kamakalawa sa boxing competition ng 18th Asian Games.

Unang nasibak si Joel Bacho sa kanyang 1-4 ka­biguan kontra kay Iranian Sajjad Kazemzadeh Poshtiri sa round-of-32 ng men’s welterweight di­vision bago ang hindi ka­tanggap-tanggap na 2-3 split decision loss ni Nes­thy Petecio kontra kay Junhua Yin ng China bagama’t paborito itong manalo bilang defending champion at two-time Olympic silver medalists.

“Kahit ako nakita ko sa laro, panalo po talaga ako. Kahit ‘yung crowd, pa­ti ‘yung mga nakaka­sa­lubong ko, panalo daw po talaga ako,” ani Pe­tecio. “Na­kakasama po talaga ng loob dahil pa­ngarap ko talaga ‘to (manalo ng gold sa Asian Games) para sa pamilya ko, para sa bayan. Nalulungkot ako, masakit po tala­ga pe­ro hindi  na po ma­ba­bago.”

Minsan nang napatumba ni Petecio ang nakalaban sa kanilang naunang sagupaan sa isang torneo sa Russia.

“Lahat na ng daya gi­­nawa niya sa akin, gra­be ang holding niya sa akin, nire-wrestling na ni­ya ako. Halatang takot talaga siya sa akin. Ina­abangan niya ‘yung ma­lakas na suntok ko,” kuwento pa ni Petecio.

Sinabi ni Association of Boxing Alliances of the Philippines secretary-general Ed Piczon ang mga boxing officials ng  Asian Games na aniya ay nangako ng  fair competition.

“Protests are not allowed but I will appeal that the judges responsi­ble for this travesty not be assigned to officiate in the coming Philippine fights as judges or referees. I think that is fair,” ani Piczon.

Lalaban pa sina SEA Games gold medalists Fe­lix Marcial, Carlo Pa­alam, James Palicte, Irish Magno, Rogen Ladon at Mario Fernandez.