Bundit tuluyan nang iniwan ang Lady Eagles

MANILA, Philippines — Iniwanan na ni coach Tai Bundit ang mga Lady Eagles ng Ateneo de Manila University ma­tapos ang limang sea­sons sa UAAP.

Inihatid ni Bundit ng Thailand ang Lady Eagles sa back-to-back championships sa UAAP women’s volleyball tournament.

Sa isang memo sa Ate­neo community, pi­na­salamatan ni university president Fr. Jett Villarin, SJ si Bundit.

“As we bid farewell to Coach Tai, we thank him for all that he has contributed to Ateneo volleyball and to colle­giate volleyball. The highlight of his career as head coach is the back-to-back championships in Seasons 76 and 77,” wi­ka ni Villarin.

Dapat ay umalis na si Bundit sa kampo ng Ateneo bago pa magsi­mula ang UAAP Season 80.

Ngunit nahikayat si­ya ng mga opisyales na manatili ng isang season.

Naihatid ni Bundit ang Lady Eagles sa Final Four kung saan sila sinibak ng Far Eastern University Lady Tamaraws.

Winakasan ng Lady Tamaraws ang anim na sunod na finals appea­rances ng Lady Eagles.

Si Bundit ang gagabay sa Creamline Cool Sma­shers sa Premier Vol­leyball League.

Bumaba na rin sa kan­yang puwesto si To­ny Boy Liao bilang Ate­neo team manager.